Дээш
БАЯНГОЛЫН АМ
СХД1-р хороо 6800 айлын орон сууц



Солонгос улсын Сөүл хотод 2016 оны 12 дугаар сарын 01, 02-ны өдрүүдэд зохион байгуулагдсан “Азийн нийтийн орон сууцны анхдугаар форум”-д амжилттай оролцлоо

БНСУ-ын Сөүл хотын захиргаа болон Сөүл хотын Орон сууцны корпораци хамтран орлогод нийцсэн орон сууцыг хөгжүүлэх, хотуудын дахин төлөвлөлтөд тулгамдаж байгаа асуудлуудыг шийдвэрлэх зорилгоор “Азийн нийтийн орон сууцны олон улсын анхдугаар форум”-ыг 2016 оны 12 сарын 01, 02-ны өдрүүдэд БНСУ-ын Сөүл хотод зохион байгуулж байна. Тус форумд Улаанбаатар, Сөүл, Сингапур, Тайпэй хот болон Малайз улсын орон сууцны байгууллагуудын төлөөлөгч нар оролцлоо.

Азийн хотуудын нийтийн орон сууцыг хөгжүүлэхэд тулгамдаж буй асуудлыг шийдвэрлэх, орон сууцны ашиглалтыг сайжруулах, иргэдийн оролцоог нэмэгдүүлэх, харилцан туршлага солилцох ач холбогдолтой энэхүү форумыг Сөүл хотоос санаачлан анх удаа зохион байгууллаа.

Форумын эхний өдөр Азийн хотуудын орон сууцыг хөгжүүлэхэд дахин төлөвлөлтөнд тулгарч буй асуудлууд болон иргэдийн оролцоог сайжруулах талаар авч хэрэгжүүлж буй арга хэмжээ болон шийдлүүдийн талаар хэлэлцүүлэг хийсэн бөгөөд Азийн орнуудын онцлогоос шалтгаалан хөгжлийн явц болон шийдвэрлэх арга зам харилцан адилгүй байлаа. Мөн орлогод нийцсэн орон сууцны хангамжийг нэмэгдүүлэх чиглэлээр бусад орнуудын баримталж буй бодлого дээр үндэслэн төлөвлөлтийн шийдлүүд, санхүүгийн төлөвлөгөө, инженерийн дэд бүтцийн хангамж болон цаашид хэрэгжүүлэх арга замуудыг хэлэлцүүллээ.

Тус форумд Нийслэлийн Орон сууцны корпораци оролцож буй бөгөөд хэрэгжүүлж буй төслүүд болон нийслэлээс баримталж буй нийтийн орон сууцны хангамжийн бодлогыг танилцууллаа.

2016 оны 12 дугаар сарын 02-ны өдөр Сөүл хотын захиргаа болон Сөүл хотын орон сууцны корцорациас зохион байгуулж буй “Нийтийн орон сууцны халамжийн фестиваль-2016” үзэсгэлэнд оролцлоо. Тус үзэсгэлэн нь хоёр дахь жилдээ зохион байгууллагдаж байгаа бөгөөд Сөүл хотын захиргаа болон Сөүл хотын орон сууцны корпорациас хэрэгжүүлж буй бодлого, иргэдэд үзүүлж буй дэмжлэг, ажлын байрны дэмжлэг, нийтийн орон сууцны хангамжийн хөтөлбөр зэргийг иргэд, оршин суугчиддаа тайлагнадаг байна.

Энэхүү форумыг жил болгон оролцогч хот бүрт ээлжлэн зохион байгуулахаар  төлөвлөж байгаа бөгөөд Азийн хотуудын нийтийн орон сууцны хангамж болон бодлогыг шинэчлэн хөгжүүлэх, хотуудын хамтын ажиллагааг өргөжүүлэхээр ажиллаж байна.

Дэд төвийн 3 дүүрэгт Засаг даргын орлогч нараар ахлуулсан ажлын хэсгүүд ажиллахаар боллоо

“Гэр хорооллыг хөгжүүлэх хөрөнгө оруулалтыг дэмжих хөтөлбөр” төслийн Газар чөлөөлөлт нүүлгэн шилжүүлэлтий

Дэлгэрэнгүй

Орон сууцны хороолол дунд баригдаж эхэлсэн барилгын ажлыг зогсоолоо

Сүхбаатар дүүргийн 7 дугаар хороо, Денверийн гудамж, "Хийморь 11" орон сууцны зүүн талын нийтийн эзэмшлийн талбай дээр барилгын но

Дэлгэрэнгүй

Улаанбаатар хотыг 2018 онд хөгжүүлэх үндсэн чиглэл батлагдлаа

Нийслэлийн иргэдийн Төлөөлөгчдийн ээлжит бус  1-р хуралдаанаар  “Нийслэлийн эдийн засаг, нийгмийг  2018 онд хөгжүүл

Дэлгэрэнгүй

Сэлбийн дэнжийн айлуудыг дулаанаар хангах дэд станц баригдаж эхэллээ

Нийслэлийн Засаг даргын Тамгын газраас Азийн хөгжлийн банк болон Европын хөрөнгө оруулалтын банкны хөнгөлөлттэй зээлээр “Гэр хороо

Дэлгэрэнгүй

Нийслэлийн бүтээн байгуулалтын дээд шагнал болох “Гаруда 2017”-ийн эзэд тодорлоо

Улаанбаатар хотын хөгжилд үнэтэй хувь нэмэр оруулсан баялаг бүтээгчдийг алдарш

Дэлгэрэнгүй


Онлайн


Имэйл: info@nosk.ub.gov.mn

Байршил


Монгол Улс, Улаанбаатар хот, Чингэлтэй дүүрэг, 1-р хороо, Чингисийн өргөн чөлөө 8, Express tower цамхаг, 2 давхар 206, 205 тоот
Газрын зураг дээр харах

Холбоо барих


Утас/Факс: 976-70006953

Зохиогчийн эрх хуулиар хамгаалагдсан © 2016. Нийслэлийн орон сууцны корпораци.

InfoCon Co., Ltd.
InfoCon Co., Ltd.