Иргэдийн оролцоотой газар шинэчлэн зохион байгуулах ажлын хүрээнд Баянзүрх дүүргийн 19 дүгээр хороонд “Цайз эко хотхон” байгуулах 5 талт хамтран ажиллах санамж бичгийг 2018 оны 3 дугаар сарын 30-ны өдөр байгуулсан.
Уг санамж бичигт:
- “Нийслэлийн орон сууцны корпораци” ХК-ийн захирал Б.Сүхбаатар
- GIZ-ийн бүс нутгийн “Азийн хотуудын нөөцийн цогц менежмент: Хотын Нэксус” төслийн захирал Рут Эрлбек
- “Эрэл ХХК-“ ийн гүйцэтгэх захирал Э.Жаргалан
- “Ариг банк”-ны гүйцэтгэх захирал Д.Төмөрхүү
- Цайз газрын эздийн Эко хотхон хоршоо-ны тэргүүн Ш.Буянжаргал нар гарын үсэг зурсан юм.
Уг санамж бичгийн хүрээнд өнгөрсөн хугацаанд урьдчилсан суурь судалгаа, Техник, эдийн засгийн үндэслэл/ТЭЗҮ/ болон хөрөнгө оруулалтын тооцооллын ажлууд хийгдлээ. Мөн эхний ээлжийн 20 айлын амины орон сууцны загвар төслийг хэрэгжүүлэх газар эзэмшигч 5 иргэдтэй 3 талт гэрээ байгуулан барилга угсралтын ажлыг эхлүүллээ.
