Манай улсын газар нутгийн 8 хүрэхгүй хувийг ой мод эзэлдэг. Ойн түймрийн улмаас энэ хувь хэмжээ жил ирэх тусам хорогдсоор байна.2021 оны 9 дүгээр сарын 17-ны өдрөөс 10 дугаар сарын 17-ны өдрүүдэд Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөл, Экологийн Цагдаагийн алба, Нийслэлийн Байгаль орчны газар, Нийслэлийн Онцгой байдлын газар “АЛДВАЛ  ГАЛДАНА “ ой хээр, шар өвсний түймрээс урьдчилан сэргийлэх аяныг хамтран зохион байгуулж байна.

Ой хээрийн түймрээс урьдчилан сэргийлэхийн тулд  та дараах зөвлөмжүүдийг анхаарна уу:

• Хавар, намрын хуурайшилттай үед цогтой үнс нурмаа битүү тагтай саванд хийх;
• Тамхи, чүдэнзний галыг ил задгай хаяхгүй байх;
• Дууссан гал асаагуур /зажигалки/ хээр хөдөө ил задгай хаяхгүй байх
• Ой, хээрт явахдаа оч баригчгүй машин техникээр зорчихгүй байх;
• Гэр сууц, хашаа хорооны гадуур түймрээс хамгаалах зурвас татах;
• Шаардлагатай багаж хэрэгслийг бэлдэх зэрэг нь өөрийгөө болон бусдын амь нас, эрүүл мэнд, эд хөрөнгийг ой, хээрийн түймэрт өртөхөөс хамгаалах, урьдчилан сэргийлэхийг Нийслэлийн Орон Сууцны Корпорациас анхааруулж байна.